1999 оны өвлийн эхэн сарын нэгэн шөнө Төв аймгийн Эрдэнэсант сумын Батхаан ууланд болсон хэрэг өнөөдөр ч нутгийнхны дунд домог мэт яригдсаар байдаг. Тэр үед бүрэн зэвсэглэсэн хулгайн анчид ууланд орогнож, буга хоморголон агнаж, таарсан хүмүүсээ айлган сүрдүүлж байсан тухай яриа бий. Тухайн үйл явдлыг өөрийн биеэр туулсан хүмүүсийн нэг нь Эрдэнэсант сумын Засаг даргын Тамгын газрын даргаар ажиллаж байсан Г.Батжаргал юм.

1999 оны арванхоёрдугаар сарын 1-ний шөнө түүний гэрийн хаалгыг хоёр залуу тогшин сэрээжээ. Өвөрхангай аймгийн Бүрд сумаас ирсэн гэх тэд Батхаан ууланд хулгайн анчдад барьцаалагдаж байгаад арайхийн оргож чадсан тухайгаа ярьсан байна. Өөрсдийгөө сэтгэцийн өвчтэй, айлын зарц хүмүүс мэт дүр эсгэж байж анчдын гараас мултарсан аж.

Тухайн үед сумын Засаг дарга эзгүй, цагдаагийн алба хаагчид сургалтаар явсан байжээ. Иймээс Г.Батжаргал цагдаагийн байрнаас хоёр дуран, гав авч, байгаль хамгаалагч болон жолоочийн хамт шөнө дөлөөр Батхаан уулыг зорьсон байна.

Хулгайн анчдыг мөрдөн хайх ажиллагаа шөнөжин үргэлжилжээ. Маргааш нь уулын орчимд байхдаа тэд буга буудуулж унахыг нүдээр харсан нь хулгайн анчид ойрхон байгааг баталсан хэрэг болсон байна.

Удалгүй нутгийн иргэдээс түгшүүртэй мэдээ иржээ. Байгаль хамгаалагчийн унаж явсан морины гэдэс рүү буудаж унагаан, буу болон морийг нь дээрэмдсэн тухай мэдээлэл байсан аж. Үүний дараа эрэн хайх ажиллагаа улам эрчимжсэн ч нөхцөл байдал хоромхон зуур эс…