ОРОСЫН ХАМГИЙН АЙМШИГТ ЭМЭГТЭЙ ЦУВРАЛ АЛУУРЧИН – ИРИНА ГАЙДАМАЧУК

2000-аад оны эхээр ОХУ-ын Свердловск мужийн жижиг хотууд, тосгодод нэгэн аймшигт цуврал аллага эхэлжээ. Хохирогчид бүгд ижил төстэй байв. Тэд бол ганцаараа амьдардаг, өндөр настай эмэгтэйчүүд. Зарим нь 60 гаруй настай, зарим нь бүр 80, 90 нас хүрсэн хөгшид байлаа.

Эхэндээ цагдаа нар эдгээр хэргийг хоорондоо холбоотой гэж үзээгүй юм. Өндөр настай хүмүүсийн гэрт дээрмийн зорилготой халдлага гарсан байх гэж таамаглаж байв. Гэвч он жил өнгөрөх тусам ижил аргаар үйлдэгдсэн аллагын тоо нэмэгдсээр байлаа.

Хохирогч бүр өөрийн гэртээ амиа алдсан байдаг байв. Ихэнх нь толгойдоо олон удаа цохиулж нас барсан байжээ. Гэрийг нь нэгжиж, мөнгө болон үнэт зүйлсийг нь авсан ул мөр үлдсэн байдаг байлаа.

Цагдаа нар нэг л зүйлд итгэлтэй байв. Ийм харгис хүч хэрэглэж байгаа хүн бол эрэгтэй хүн байх ёстой гэж.

Гэвч тэдний төсөөлөл бүхэлдээ буруу байсан юм.

Тэр үед Свердловск мужийн Красноуфимск хотод Ирина Гайдамачук хэмээх эмэгтэй амьдарч байлаа. Гаднаас нь харахад жирийн л нэгэн гэрийн эзэгтэй.

Тэр нөхөртэй, хүүхэдтэй, хөршүүдтэйгээ харилцаа сайтай нэгэн байв. Түүнийг харсан хүн энэ эмэгтэй олон хүний аминд хүрсэн гэж огт төсөөлөхгүй.

Гэвч Иринагийн амьдралын нөгөө талд архины хүнд хамаарал байжээ.

Тэр архинд донтох болсон бөгөөд өдөр бүр шахуу архи хэрэглэх болсон байна. Нөхөр нь мөнгө өгөхөөс татгалзаж эхэлсэн тул Ирина өөр аргаар мөнгө олохыг оролддог байжээ.

Мөрдөн байцаалтын үеэр тэрээр архины мөнгөний хэрэгцээ нь өөрийг нь гэмт хэрэг рүү түлхсэн гэж мэдүүлсэн байдаг.

Гэвч хэдхэн шил архины төлөө хүний амь бүрэлгэнэ гэдэг хэний ч төсөөлөх зүйл биш байлаа.

2…